NGO හා UN වියදම් කිරීම ප්‍රමාදයි - ජනපති

වව්නි‍යාවේ අවතැන් කඳවුරුවල වැසිකිලි ප්‍රශ්නයක් තිබෙන්නේ රජයේ ප්‍රශ්නයක් නිසා නොවන බවත් රාජ්‍ය නොවන සංවිධාන හා එක්සත් ජාතීන්ගේ සංවිධානය විදේශ ආධාර වියදම් කිරීම ප්‍රමාද නිසා බවත් ජනාධිපතිවරයා කියයි. ජනාධිපති මහින්ද රාජපක්ෂ මහතා " හින්දු" පුවත් පතේ කර්තෘල එන්ගරාම් සමග පවත්වන ලද සම්මුඛ සාකච්ඡාවේදී පවසා තිබෙන්නේල යුරෝපයෙන් හා වෙනත් රටවල් වලින් අවතැන් ජනයා වෙනුවෙන් ලැබී තිබෙන මුදල් රාජ්‍ය නොවන සංවිධාන හා එක්සත් ජාතීන්ගේ සංවිධානයට‍ ලැබී තිබුණත් ඒවා අවතැන් වූවන් සඳහා වියදම් කිරීම ඉතාමත් මන්දගාමීව සිදුවන බවයි. රජය රුපියල් බිලියන දෙකක පමණ මුදල් වියදම් කර මෙම අවතැන් කඳවුරු වලට ජලයල විදුලියල ඇතුළු පහසුකම් ලබාදී තිබෙන බවත් ලෝකයේ ඕනෑම රටක පවතින අවතැන් කඳවුරු වලට සාපේක්ෂව ලංකාවේ කඳවුරු ඉතාමත් හොඳ මට්ටමක පවතින බවත් මෙහිදී ජනාධිපතිවරයා පවසා ඇත. තමා නිළධාරීන්ගේ තොරතුරු ගැන පමණක් විශ්වාසය නොතබන බව පවසා තිබෙන ජනාධිපතිවරයා වව්නියාවේ අවතැන් කඳවුරුවල තොරතුරු සොයා බැලීමට තමාගේ හිතවතුන් පිරිසක්ද එහි යැවූ බවත් එම අවතැන් කඳවුරුවල දින කිහිපයක් ගතකර තමාට ඔවුන් තොරතුරු දැන්වූ බවත් පවසා තිබේ.

මෙම කඳවුරුවල තවත් ප්‍රශ්න තිබෙන බව තමා දන්නා බව සඳහන් කර තිබෙන ජනාධිපතිවරයා කියා තිබෙන්නේ ඒවාද විසඳා ගැනීමට කටයුතු කරන බවයි.