වසංගතයක් බවට පත්ව ඇති ඩෙංගු රෝගය මර්දනය කිරීම සඳහා මදුරුවන් බෝවන ස්ථාන පිළිබඳව දැඩි අවධානයෙන් පසුවන ලෙස සෞඛ්ය අමාත්යාංශය මහජනතාවගෙන් ඉල්ලා සිටී. මේ වන විට දිවයින පුරා පුද්ගලයන් 5357 දෙනෙකුට රෝගය වැළඳී ඇති බව අමාත්යාංශය පෙන්වා දෙයි. මෙම රෝගීන් වැඩි ප්රමාණයක් වාර්තා වී ඇත්තේ මහනුවර (රෝගීන් 2071, මියගිය ගණන 26), කොළඹ (රෝගීන් 1996, මියගිය ගණන 18), කෑගල්ල (රෝගීන් 1977, මියගිය ගණන 18), ගම්පහ (රෝගීන් 1719, මියගිය ගණන 31), කුරුණෑගල (රෝගීන් 1235, මියගිය ගණන 10) යන දිස්ත්රික්කයන්ගෙනි.ඩෙංගු මදුරුවන්ගේ අභිජනන කටයුතු පිරිසිදු ජලයේ සිදුවන අතර මෙම ප්රදේශවලට වරින් වර වැසි සහිත කාලගුණ තත්ත්වයක් ඇතිවීම මීට හේතු වී ඇත.
එබැවින් රෝග ලක්ෂණ මතුවූ වහාම රජයේ රෝහලකින් හෝ ලියාපදිංචි රජයේ වෛද්යවරයෙකුගෙන් පමණක් ඒ සඳහා ප්රතිකාර ලබාගන්නා මෙන් අමාත්යාංශය මහජනතාවගෙන් දැඩිව ඉල්ලා සිටී.
මීට අමතරව ඩෙංගු රෝගය මර්දනය කිරීමේ අරමුණින් කියුබාවෙන් මෙරටට BTI නම් බැක්ටීරියාවක් ගෙන්වීමට ද තීරණය කර ඇති අතර කඩිනමින් එය මෙරටට ගෙන ඒමට පියවර ගන්නා බව ද අමාත්යාංශය සඳහන් කරයි.
