මහා සංවර්ධනයක් වෙමින් පතින බව යෂුෂි අකාෂි පවසයි

දශක තුනකට වැඩි කාලයක් ත‍්‍රස්තවාදයෙන් හා වෙනත් අභියෝගයන් ගෙන් පීඩා විඳි ශ‍්‍රී ලංකාව මෑතදී ඉතා කෙටි කාලයක දී ලබා ඇති මහා පරිමාණ සංවර්ධනය පිළිබඳව තමා පුදුමයට පත් වන්නේ යැයි ජපානයේ විශේෂ නියෝජිත යෂුෂි අකාෂි මහතා පවසයි.

දහසකුත් ප‍්‍රශ්න මැද උතුරේ සහන ගම්මානවල ජීවත්වන ලක්ෂ සංඛ්‍යාත ජනතාවට අවශ්‍ය නවාතැන්, ජලය, ආහාර යනාදිය ලබා දෙමින් ඔවුන්ගේ ජීවිත නැවත ගොඩ නැඟීමට ජනාධිපතිතුමා ප‍්‍රමුඛ රජය ගෙන යන වැඩපිළිවෙළ සියැසින් දැක බලාගත් බවත්, තමා ඒ පිළිබඳව බෙහෙවින් සතුටට පත්වන බවත් හෙතෙම සඳහන් කෙළේ ය.

අකාෂි මහතා මේ අදහස් පළ කෙළේ ශ‍්‍රී ලංකා වානිජ මණ්ඩලය විසින් ඉකුත් දා පවත්වන ලද 2009 ආර්ථික සමුළුවට සහභාගි වෙමිනි. මේ අවස්ථාවට අගමැති රත්නසිරි වික‍්‍රමනායක, ඇමැති ජී.එල්. පීරිස් යන මහත්වරු ද ආර්ථික විශේෂඥයින් ද, ප‍්‍රමුඛ පෙළේ ව්‍යාපාරිකයන් ද එක්ව සිටියහ.