මානුෂීය මෙහෙයුම නිම කොට මානුෂික මෙහෙවර දැන් අරඹා ඇති බැවින් නොහොඳ නෝක්කාඩු අතීතයට බාරදී රටේ සංවර්ධනයට එක් වන්නැයි ජනාධිපති මහින්ද රාජපක්ෂ මහතා දේශපාලන පක්ෂ 18ක නියෝජිතවරුන්ගෙන් ඊයේ (2) ඉල්ලා සිටියේය. හොඳ හිත පමණක් අනාගතයට ගෙන යමින් බිඳීගිය සිත් යළි සැනසීමට ප්රතිසංධානය සහ සංවර්ධනය උදෙසා කටයුතු කළ යුතු බවද ජනපතිවරයා කියා සිටියේය.ප්රතිසංධානය සහ සංවර්ධනය පිළිබඳ සර්ව පාක්ෂික සමුළුවේ මංගල සැසිවාරය ආරම්භ කරමින් ජනපතිවරයා මේ අදහස් දැක්වීය.
ජනාධිපති ලේකම් කාර්යාලයේ දී එය පැවැත්විණි. මේ සර්ව පාක්ෂික සමුළුවට පක්ෂ 18 ක නියෝජිතයන් සහභාගී වූහ.
ශ්රී ලංකා නිදහස් පක්ෂය , එක්සත් ජාතික පක්ෂය, ජනතා විමුක්ති පෙරමුණ, මහජන එස්සත් පෙරමුණ, ජාතික නිදහස් පෙරමුණ, ජාතික හෙළ උරුමය , ලංකා සමසමාජ පක්ෂය, ශ්රී ලංකා මුස්ලිම් කොංග්රසය , ශ්රී ලංකාවේ කොමියුනිස්ට් පක්ෂය, ලංකා කම්කරු කොංග්රසය , දෙමළ ජාතික සන්ධානය , ජාතික සමඟි පෙරමුණ, ජාතික කොංග්රසය , ඊළාම් ප්රජාතන්ත්රවාදී පක්ෂය, තමිල් මක්කල් විඩුතලෙයි පුලිගල් , ද්රවිඩ එක්සත් විමුක්ති පෙරමුණ , සමස්ත ලංකා මුස්ලිම් කොංග්රසය , එක්සත් ජාතික පක්ෂයේ ප්රජාතන්ත්රවාදී කණ්ඩායමට අයත් නායකයෝ මේ මංගල සැසියට එක් වූහ.
ජනාධිපතිවරයාගේ ආරාධනා ලැබූ දේශපාලන පක්ෂ නායකයන් සියලු දෙනාම පාහේ මේ අවස්ථාවට එක්වීම විශේෂත්වයකි.
මේ නායකයන් ඇමතූ ජනාධිපතිවරයා, අප අතර වෙනස්කම් නොව සමාන කම් පිළිබඳව සිත යොමු කරමින් මේ වැඩපිළිවෙළ කි්රයාවට නැංවිය යුතු බව ප්රකාශ කළේය.
මෙය එක් රජයක හෝ පක්ෂයක වගකීමක් නොව සියලුදෙනාගේම වගකීමක් බව සිහියේ තබාගෙන කටයුතු කළ යුතු බවද පක්ෂ නායකයෝ ඇමතූ ජනාධිපතිවරයා කීවේය.
රටේ අනාගතය වෙනුවෙන් කි්රයාත්මක කෙරෙන වැඩපිළිවෙළකට සියලු ජාතීන් නියෝජනය කරන සියලු පක්ෂවල අදහස් විමසීම පිළිබඳව ප්රසාදය පළ කළ පක්ෂ නායකයෝ ඒ සඳහා උපරිම සහයෝගය ලබාදෙන බවට ප්රතිඥා දුන්හ.
අවතැන් වූ ජනතාව නැවත පදිංචි කොට හැකි ඉක්මනින් සංවර්ධන කටයුතු නිමා කිරීම සියලු දෙනාගේ වගකීම බව සිහිපත් කළ ජනාධිපතිවරයා තැලුණු සිත් යළි සුවපත් කිරීමට එමඟින් හැකි වෙතැයි තමා දැඩි ලෙස විශ්වාස කරන බවත් සඳහන් කෙළේ ය.
අද ආරම්භය සනිටුහන් කෙරුණු මේ වැඩපිළිවෙළ හැකි ඉක්මනින් ප්රායෝගික කි්රයාමාර්ගයක් බවට පත් කළ යුතු යැයි පැවැසූ ජනාධිපතිවරයා මේ පිළිබඳව සකසන මූලික ව්යුහය දේශපාලන පක්ෂ අතරේ සාකච්ඡා කොට කඩිනමින් යථාර්ථයක් බවට පත් කළ යුතු බවත් කීවේය.
ජාතිවාදයක් පිළිබඳව කථා කෙරුණත් අප ජාතිවාදය අත හැර බොහෝ කලක් ගත වී ඇති බව පැවසූ ජනාධිපතිවරයා ජාතිවාදය අතහැර දමා රටට ආදරය කරන මිනිසුන් ගොඩනැංවිය යුතු බවත් පැවැසීය.
ජනාධිපති මහින්ද රාජපක්ෂ මහතා එහිදී වැඩිදුරටත් මෙසේ ද ප්රකාශ කෙළේ ය. පාර්ලිමේන්තුවේ සියලු පක්ෂ වලට ආරාධනා කොට ආරම්භ කිරීමට බලාපොරොත්තු වුණේ ප්රතිසංධානය හා සංවර්ධනය පිළිබඳ සර්ව පාක්ෂික හමුවක් ඇති කොට මේ වැඩපිළිවෙළ ඉදිරියට ගෙන යාමටයි.
පසුගිය ජනාධිපතිවරණ සමය වනවිට ත්රස්තවාදය නිසා මානුෂීය මෙන්ම ප්රජාතන්ත්රවාදී අයිතීන් අහිමි වූ ජනතාවක් මේ රටේ සිටියා.
ලෝකයේ ප්රාණ ඇපකරුවන් මුදා ගැනීමේ විශාලතම මානුෂීය මෙහෙයුම මගින් ඒ ජනතාව බේරාගෙන දැන් ඇත්තේ ඒ බිඳුණු සිත් සැනසීමේ කාර්යයි. ඒක එක රජයක, පක්ෂයක වගකීමක් නොවෙයි.
ඒ නිසා මේ කමිටුවේ බලාපොරොත්තුව ප්රතිසංධානය හා සංවර්ධනය බව මා දන්වා සිටිනවා. අප එකමුතුව මේ බිඳී ගිය සිත් එකතු කොට මේ ප්රශ්නය විසඳ්ර ගත යුතුයි.
අද උතුරේ කඳවුරුවල අවතැන් වූ 290000 ක ජනතාවක් ඉන්නවා. ඒ අය නැවත පදිංචි කිරීමට කළ යුතු දේ පිළිබඳවත් සාකච්ඡා කිරීමට බලාපොරොත්තු වෙනවා.
අප සියලු දෙනාගේ වගකීම මේ ජනතාව නැවත පදිංචි කිරීමයි. දැනටමත් අපි නැවත පදිංචි කිරීමේ කටයුතු අරඹා තිබෙනවා. පුද්ගලයන් 2409 ක් පවුල් 651 ක් අපි නැවත පදිංචි කළා.
බිම් බෝම්බ ඉවත් නොකොට නැවත පදිංචි කිරීම් කරන්න බැහැ. ඒ වගේම බිම් බෝම්බ ඉවත් කළ පසු නැවත පදිංචි කිරීමට පෙර සහතිකයක් ලබා ගත යුතුයි.
ඒ වගේම අප අමතක නොකළ යුතුයි මොවුන් මේ කඳවුරුවලට ඇවිත් තාම මාස දෙකක්වත් ගත නොවුණු බව. මේ කාලයේ ලක්ෂ තුනක ජනතාවක් මේ කඳවුරුවලට ආවා.
මේ අයගේ මූලික පහසුකම් ලබා දීමටත් අපි පියවර ගත යුතුයි. අපට කිසි කෙනෙක් කඳවුරුවල රඳවා ගැනීමට අවශ්ය නැහැ. ජනතාව නැවත පදිංචි කිරීමේ දී ජලය, විදුලිය, මාර්ග යනාදී යටිතල පහසුකම් පිළිබඳවත් සිතන්න ඕනෑ.
ඒ සඳහා අපි දින 180 වැඩපිළිවෙළක් කි්රයාත්මක කරනවා. ඒ වැඩපිළිවෙළ සාකච්ඡා කරමින් ඉදිරියට යන්න අපට පුළුවනි.
අගමැති රත්නසිරි වික්රමනායක මහතාද මේ අවස්ථාවට එක් වූ අතර ජාතික හෙළ උරුමයේ එල්ලාවල මේධානන්ද හිමියන් හා ශී්ර ලංකා නිදහස් පක්ෂයේ ඇමැති නිමල් සිරිපාල ද සිල්වා, එක්සත් ජාතික පක්ෂයේ කබීර් හෂීම්, ජනතා විමුක්ති පෙරමුණේ අනුර කුමාර දිසානායක, ජාතික නිදහස් පෙරමුණේ විමල් වීරවංශ, ලංකා සමසමාජ පක්ෂයේ විමලසිරි ද මැල්, ශී්ර ලංකාවේ කොමියුනිස්ට් පක්ෂයේ ඇමැති ඩිව් ගුණසේකර, ශී්ර ලංකා මුස්ලිම් කොංග්රසයේ රාවුෆ් හකීම්, දෙමළ ජාතික සන්ධානයේ එන්. ශී්ර කාන්තා, ලංකා කම්කරු කොංග්රසයේ ඇමැති ආරුමුගම් තොණ්ඩමන්, ජාතික කොංග්රසයේ ඒ. එල්. එම්. අතාවුල්ලා, ජාතික සමඟි පෙරමුණේ ඇමැති ෆේරියල් අශ්රොෆ්, දෙමළ එක්සත් විමුක්ති පෙරමුණේ වී. ආනන්ද සංගරී, කඳුරට ජනතා පෙරමුණේ පී. චන්ද්රසේකරන්, ටී. එම්. වී. පී යේ මහ ඇමැති සිවනේස තුරෙයි චන්ද්රකාන්තන්, ඊළාම් ජනතා ප්රජාතන්ත්රවාදී පක්ෂයේ, ඇමැති ඩග්ලස් දේවානන්දා යන මහත්වරු ද මෙහි දී අදහස් දැක්වූහ.
මෙම වසරේ ජනවාරී 01වනදා සිට ඊයේ (08) වන විට ඩෙංගු රෝගීන් 15,529ක් වාර්තා වී ඇති බව ජාතික ඩෙංගු මර්දන එක්කය රජයේ නිල පුවත් වෙබ් අඩවියට පැවසීය.
මෙරට ජනවාර්ගික ගැටලුව සඳහා ජනාධිපතිවරයා විසින් 13 වන ව්යවස්ථාවට එහා ගිය බලය බෙදීමක් ලබාදෙනු ඇතැයි, අමාත්ය විනයාගමූර්ති මුරලිදරන් හෙවත් කරුණා අම්මාන් විශ්වාසය පළකරයි.
රැකියා විරහිතභාවය අර්බුදයක් බවට පත්වෙමින් ඇති බැවින් බහුපාර්ශවීයව, ද්විපාර්ශවීයව සහ ජාතික වශයෙන් එක්ව ඒ සඳහා ක්රියාමාර්ගයක් නොගතහොත් ලොව පුරා එය මානුෂීය අර්බුදයක් බවට පත්වනු ඇතැයි කම්කරු සබඳතා හා මිනිස්බල අමාත්ය අතාවුද සෙනෙවිරත්න මහතා පෙන්වා දෙයි.
කම්කරු ඇමැති සහ කැලණිය ශ්රී ලංකා නිදහස් පක්ෂයේ ප්රධාන සංවිධායක මර්වින් සිල්වා මහතා තම ජීවිත වලට තර්ජනයක් වී ඇතැයි කැලණිය ප්රාදේශීය සභාවේ සභාපති ප්රසන්න රණවීර මහතා ඇතුළු පොදු පෙරමුණේ මන්ත්රීවරු වන ලංකා විජිත කුමාර, නන්දසිරි හේවගේ, එච්.ජේ. සෝමවර්ධන සහ චතුර ධනුෂ්ක යන මහත්වරු පැලියගොඩ පොලිසියට පැමිණ පැමිණිලි කර ඇත.
වසංගතයක් බවට පත්ව ඇති ඩෙංගු රෝගය මර්දනය කිරීම සඳහා මදුරුවන් බෝවන ස්ථාන පිළිබඳව දැඩි අවධානයෙන් පසුවන ලෙස සෞඛ්ය අමාත්යාංශය මහජනතාවගෙන් ඉල්ලා සිටී. මේ වන විට දිවයින පුරා පුද්ගලයන් 5357 දෙනෙකුට රෝගය වැළඳී ඇති බව අමාත්යාංශය පෙන්වා දෙයි. මෙම රෝගීන් වැඩි ප්රමාණයක් වාර්තා වී ඇත්තේ මහනුවර (රෝගීන් 2071, මියගිය ගණන 26), කොළඹ (රෝගීන් 1996, මියගිය ගණන 18), කෑගල්ල (රෝගීන් 1977, මියගිය ගණන 18), ගම්පහ (රෝගීන් 1719, මියගිය ගණන 31), කුරුණෑගල (රෝගීන් 1235, මියගිය ගණන 10) යන දිස්ත්රික්කයන්ගෙනි.
ජාතික නිදහස් පෙරමුණේ කළුතර දිස්ති්රක් මන්ති්ර නන්දන ගුණතිලක මහතා සංචාරක කටයුතු අමාත්යවරයා ලෙසත්, ජාතික නිදහස් පෙරමුණේ කළුතර දිස්ති්රක් මන්ති්ර පියසිරි විජේනායක මහතා සංස්කෘතික කටයුතු කැබිනට් නොවන අමාත්යවරයා ලෙසත් අද (02) පස්වරුවේ අරලියගහ මන්දිරයේදී ජනාධිපති මහින්ද රාජපක්ෂ මැතිතුමා ඉදිරියේ දිවුරුම් දුන්නේය. මෙම අවස්ථාවට ජනාධිපති ලේකම් ලලිත් වීරතුංග මහතාද එක් ව සිටියේය.
ලොව සියලු රටවල් මෙරට ආයෝජනය කිරීම සඳහා කැමැත්තෙන් පසුවන බව තොරතුරු හා ජනමාධ්ය සහ ව්යවසාය සංවර්ධන හා ආයෝජන ප්රවර්ධන අමාත්ය අනුර ප්රියදර්ශන යාපා මහතා පවසයි.
රජයට එක්වූ තවත් පිරිසකට ශ්රී ලංකා නිදහස් පක්ෂයේ ආසන සංවිධායක ධූර පිරිනැමීම ඊයේ පෙරවරුවේදී සිදුවිය. ජනාධිපති මහින්ද රාජපක්ෂ මහතාගේ ප්රධානත්වයෙන් ඊයේ දින පෙරවරුවේ අරලියගහ මන්දිරයේදී මෙම සංවිධායක ධූර පිරිනැමීම සිදුවිය.මෙහිදී රජයේ අමාත්යවරුන් වන බන්දුල ගුණවර්ධන මහතාට හෝමාගම ආසනයද, පී. දයාරත්න මහතාට අම්පාර දිස්ත්රික්කයේ ආසනයක් ද, අතාවුද සෙනෙවිරත්න මහතා මාවනැල්ල, හේමකුමාර නානායක්කාර මහතා බද්දේගම, ගාමිණී ලොකුගේ මහතාට කැස්බෑව ආසනයද, මනෝ විජයරත්න මහතාට දැදිගම ආසනය ද, පී දයාරත්න මහතා දිගාමඩුල්ල ආසනයද ලෙසින් ශ්රී ලංකා නිදහස් පක්ෂ සංවිධායක ධූර පිරිනමා ඇත. දැනට මෙම ආසනවල සිටින ශ්රී.ල.නි.ප. සංවිධායකයින් සඳහා දිස්ත්රික් සංවිධායක ධුර පිරිනමා ඇත.
‘කාර්යාල සේවය පිණිසයි’ යනුවෙන් රාජ්ය සේවකයින් සඳහා නව ප්රවාහන සේවයක් අද (01) ප්රවාහන අමාත්ය ඩලස් අලහප්පෙරුම මහතාගේ ප්රධානත්වයෙන් පස්වරු 4.00ට ආරම්භ කෙරෙන බව එම අමාත්යාංශය සඳහන් කරයි.
