h1n1 වෛරසය ආසාදිතයැයි සැකකෙරෙන රෝගීන් 12ක්

නවල් ඉන්ෆ්ලුවෙන්සා - ඒ හෙවත් h1n1 වෛරස් උණ රෝගය වැළඳී ඇති බවට සැක කෙරෙන රෝගීන් 12 දෙනෙකු අයි.ඩී.එච්. රෝහලට ඇතුළත් කර තිබේ.
එහි අධ්‍යක්ෂ වෛද්‍ය අනුර සේනානායක මහතා පැවසුවේ, එම රෝගීන් මේ වන විට වෛද්‍ය පරික්ෂණවලට යොමු කර ඇති බවය.
මීට අමතරව h1n1 වෛරසය උණ රෝගය වැළඳී ඇති බවට ස්ථිරව හඳුනාගත් රෝගීන් 4 දෙනෙකු රෝහලේ ප්‍රතිකාර ලබන බව අධ්‍යක්ෂවරයා සඳහන් කළේය.
වෛද්‍ය අනුර සේනානායක මහතා පැවසුවේ, එම රෝගීන්ට ප්‍රතිකාර කිරිමට අවශ්‍ය සියලු පහසුකම් සලසා ඇති බවය.