බි්රතාන්ය රජය කිසි විටෙකත් කොටි ත්රස්තවාදීන්ට පක්ෂපාතීව කටයුතු නො කරන බව එරට විදේශ ලේකම් ඩේවිඩ් මිලිබෑන්ඩ් මහතා ප්රකාශ කර ඇත.එල්. ටී. ටී. ඊ. ත්රස්තවාදය පරාජයට පත් කිරීම ශී්ර ලංකා රජය ලැබූ සුවිශේෂී ජයග්රහණයක් බව ද ඒ මහතා පවසා තිබේ.
ශී්ර ලංකාවේ වර්තමාන දේශපාලන තත්ත්වය හා අවතැන් වූ සාමාන්ය වැසියන් නැවත පදිංචි කරවීම සඳහා රජය ගෙන යන වැඩපිළිවෙළ පිළිබඳ බි්රතාන්ය රජයේ ඉහළ පෙළේ නිලධාරීන් හමුවී සාකච්ඡා කිරීමේ අරමුණින් නිල සංචාරයක නියැළුණු විදේශ කටයුතු ඇමැති රෝහිත බෝගොල්ලාගම මහතා හමුවූ අවස්ථාවේදී බි්රතාන්ය විදේශ ලේකම්වරයා මේ බව සඳහන් කර ඇත.
ශී්ර ලංකාවේ වර්තමාන දේශපාලන තත්ත්වය, උතුරේ අවතැන්වූ සාමාන්ය වැසියන් නැවත පදිංචි කිරීම හා ඒ ප්රදේශවල සංවර්ධන කටයුතු පිළිබඳ මෙහිදී බි්රතාන්ය විදේශ ලේකම්වරයා දැනුවත් කෙළේය.
තවද අවතැන් වූ වැසියන් යළි පදිංචි කරවීම සම්බන්ධයෙන් රජය කි්රයාත්මක කළ දින 180 වැඩසටහන ගැන ද රෝහිත බෝගොල්ලාගම මහතා කරුණු ඉදිරිපත් කර ඇත.
රාජ්ය නොවන සංවිධාන ඇතුළු සියලු සංවිධානවලට එම සහන කඳවුරු ආශි්රත ප්රදේශවලට යාමට ඉඩකඩ ලබාදී තිබෙන බව රෝහිත බෝගොල්ලාගම මහතා සඳහන් කරන ලද අතර අදාළ ප්රදේශවල නැවත පදිංචි කරවීම වෙනුවෙන් අවශ්ය ආධාර ලබාදීමට බි්රතාන්ය රජය කටයුතු කරන බව ඩේවිඩ් මිලිබෑන් මහතා කියා සිටියේ ය.
ශී්ර ලංකාවට බි්රතාන්ය විදේශ නියෝජිතයෙකු පත්කිරීම සම්බන්ධයෙන් ප්රශ්න කළ එරට විදේශ ලේකම්වරයාට පිළිතුරු දෙමින් ශී්ර ලංකා විදේශ කටයුතු ඇමැතිවරයා කියා සිටියේ එවැනි විශේෂ නියෝජිතයෙකු පත් කිරීමේ ස්ථාවරයක බි්රතාන්ය රජය නොමැති බවය.
මේ සංචාරය අතර තුර ශී්ර ලංකා විදේශ කටයුතු ඇමැති රෝහිත බෝගොල්ලාගම මහතා බි්රතාන්ය පාර්ලිමේන්තු මන්තී්රවරුන්, එරට රාජ්ය විදේශ ඇමැති මැලොක් බ්රවුන් මහතාද පොදු රාජ්ය මණ්ඩලීය මහලේකම් කමලේෂ් ෂර්මා මහතාද හමුවී සාකච්ඡා පැවැත්වූහ.
