ඉදිරියේදී කිලිනොච්චිය හා ත්රිකුණාමල දිස්ත්රික්කයන්හි වෙළෙඳ කලාප ඇති කිරීමට පියවර ගන්නා බව ව්යවසාය සංවර්ධන හා ආයෝජන ප්රවර්ධන අමාත්ය සහ ජනමාධ්ය හා තොරතුරු අමාත්ය අනුර ප්රියදර්ශන යාපා මහතා පවසයි.ශ්රී ලංකා ආයෝජන මණ්ඩලය හා ASP KNITTERS (PVT) LTD. ආයතනය සමඟ අංග සම්පූර්ණ නිමි ඇඳුම් කර්මාන්තශාලාවක් ඉදිකිරීම පිළිබඳ ගිවිසුමක් අත්සන් කිරීමේ අවස්ථාවට සහභාගි වෙමින් අමාත්යවරයා මේ බව සඳහන් කළේය.මේ වන විටත් එක්සත් අරාබි එමීර් රාජ්යය ශ්රී ලංකාවේ උතුරු හා නැගෙනහිර පළාත්හි කෘෂිකාර්මික නිෂ්පාදන ආශ්රිත කර්මාන්තශාලා ඇති කිරීම සඳහා කැමැත්ත පළ කර තිබේ.මෙම ආයතනය නූල් පමණක් ආනයනය කර අංග සම්පූර්ණ නිමි ඇඳුම් නිෂ්පාදනය කරන සමාගම් කිහිපය අතරින් එකකි. මේ වන විට මෙම සමාගම ඕස්ට්රේලියාව ඇතුළු රටවල් 05කට සිය නිෂ්පාදන අපනයනය කරන අතර දේශීය වෙළෙඳපොළ සඳහා ද රෙදි සැපයීම සිදුකරයි.
