විදෙස් රටවලින් මෙරටට පැමිණෙන සියලු පුද්ගලයන්, සිය සෞඛ්ය තත්ත්වය සහතික කළ වාර්තාවක් ඉදිරිපත් කළ යුතු බවත්, එසේ නොවන අයට මෙරටට පැමිණීමට අවසර හිමි නොවන බවත් ආගමන විගමන පාලකවරයා පවසයි.මෙ පිළිබඳ ආගමන විගමන පාලක බණ්ඩාර අබේකෝන් මහතා ප්රකාශ කළේ, සිය සෞඛ්ය තත්ත්වය පිළිබඳ සහතික කරන මගීන්ට පමණක් මෙරටට පැමිණීමට අවසර ලබාදෙන ලෙසත් සිය සෞඛ්ය තත්ත්වය සහතික කිරීමට අපොහොසත් වන කිසිදු පුද්ගලයෙකු මෙරටට ඇතුල් කර නොගන්නා ලෙසත් සෞඛ්ය අමාත්යාංශය ලිඛිතව තමා වෙතින් ඉල්ලීමක් කර ඇති බවයි.
මේ අතර, මෙරටදී හඳුනා ගත් ප්රථම සූකර උණ රෝගියා සම්පූර්ණයෙන් සුවවී රෝහලින් පිටව ගිය බව අංගොඩ උණ රෝහලේ අධ්යක්ෂ වෛද්ය අනුර සේනානායක මහතා පවසයි.
අනෙකුත් රෝගීන් තිදෙනා තවමත් රෝහල් ප්රතිකාර ලබමින් සිටින අතර ඔවුන්ගේ තත්ත්වයද එතරම් බරපතල නොවන බව වෛද්යවරයා සඳහන් කරයි.
