රක්‍ෂණ සංස්ථාව යළි රජයට ගන්න -ශ්‍රේෂ්ඨාධිකරණය තීන්දු කරයි

ශ්‍රී ලංකා රක්ෂණ සංස්ථාව පෞද්ගලික අංශයට පවරමින් 2003 දී ගත් ක‍්‍රියා මාර්ගය අවලංගු කළ ශ්‍රේෂ්ඨාධිකරණය එම කොටස් භාණ්ඩාගාර ලේකම්ට බාර දෙන ලෙස නියෝග කෙළේය. දෙසතියකින් නව අධ්‍යක්ෂ මණ්ඩලයක් පත් කරන ලෙස ද රක්ෂණ සංස්ථාව මිලට ගත් හැරී ජයවර්ධන මහතා ප‍්‍රමුඛ පාර්ශවය ඊට ගෙවූ රුපියල් කෝටි 650 භාණ්ඩාගාර බිල්පත් මගින් ගෙවන ලෙස ද නියෝග කැරිණි.
හිටපු මන්ත‍්‍රී හා ජනාධිපති උපදේශක වාසුදේව නානායක්කාර මහතා මේ පෙත්සම ගොනු කෙළේය. නිහාල් ශ්‍රී අමරසේකර මහතා අතුරු පාර්ශවකරුවෙක් විය. අගවිනිසුරු සරත් එන් සිල්වා ප‍්‍රමුඛ ත‍්‍රිපුද්ගල විනිශ්චය මණ්ඩලයක් විසින් මේ තීන්දුව ප‍්‍රකාශයට පත් කැරිණි.