Wednesday, June 17, 2009
පිනාචාර්ය පදවි මින් පසු බෑ
ජනාධිපතිතුමා විසින් පමණක් ප්රදානය කළ යුතු ගෞරව සම්මාන හා නාම වෙනත් කිසිදු ආයතනයකින්, සංවිධානයකින් හෝ පුද්ගලයකු විසින් පිරිනැමීම සපුරා තහනම් කිරීමට කැබිනට් මණ්ඩලය අද තීරණය කළේය. මේ අතර විශ්ව විද්යාල පනත යටතේ සුදුසුකම් ලැබු විශ්ව විද්යාල මගින් පමණක් ප්රදානය කළ යුතු ආචාර්ය, මහාචාර්ය, හා සාහිත්යසූරී වැනි උපාධි වෙනත් ආයතන හෝ සංවිධානවලින් ප්රදානය කිරීමද සපුරා තහනම් කිරීමටද අනුමැතිය ලැබී ඇත. ප්රධාන සංඝ සභා වලින් පිරිනමනු ලබන ගෞරව සම්මාන හා නාම සඳහා මෙම තහනම බල නොපානු ඇත. වැවිලි කර්මාන්ත ඇමැති දි.මු. ජයරත්න මහතා ඇතුළු ඇමැතිවරුන් හය දෙනකුගේ කමිටුවකින් ඉදිරිපත් වු මෙම යෝජනා ඒකමතිකව අනුමත විය.
