නැගෙනහිර ධීවර තහනම ඉවතට

නැගෙනහිර මුහුදේ ධීවර කටයුතු සඳහා පනවා තිබූ තහනම අද සිට සම්පූර්ණයෙන්ම ඉවත් කරන බව රජය පවසයි.
ඒ අනුව ජනාධිපතිවරයාගේ උපදෙස් පරිදි, අද සිට රාති‍්‍ර කාලයේදී ද නැගෙනහිර මුහුදේ ධීවර කටයුතු සඳහා ධීවරයින් හට අවස්ථාව ලබා දීමට තීරණය කළ බව පාරලිමේන්තු මන්ත්‍රී බැසිල් රාජපක්ෂ මහතා ඊයේ මුත්තූර් සහ ත්‍රිකුණාමලයේ ධීවරයින් පිරිසක් හමු වූ අවස්ථාවේ දී පැවසීය.
ඒ අනුව අශ්ව බල 25 ක් දක්වා ධාරිතාවකින් යුත් බෝට්ටුවලට මුහුදු යාමේ අවස්ථාව අද සිට ධීවරයින් හට ලැබෙන බවත් මන්ත්‍රීවරයා සඳහන් කර ඇත.
කෙසේවෙතත් ත්‍රිකුණාමලය වරාය ප්‍රදේශයේ ධීවර කටයුතු සඳහා යෙදිය හැක්කේ අලුයම 06.00 සිට සවස 04.00 දක්වා කාලය තුළ බවත්, ඒ සඳහා භාවිතා කරන ධීවර යාත්‍රා සඳහා නාවික හමුදාවේ අවසරය ලබා ගත යුතු බව ද හෙතෙම පවසා ඇත.