නවසීලන්තය පරදා ලංකාව අවසන් පූර්ව වටයට-තරගයේ වීරයා අජන්ත මෙන්ඩිස්

නවසීලන්තය ලකුණු 48 කින් පරදවා විස්සයි- විස්ස ලෝක කුසලාන තරගාවලියේ අවසන් පූර්ව වටයට තේරීමට ශ්‍රී ලංකා කණ්ඩායම සමත්වේ.
නවසීලන්ත පිතිකරුවන් අසරණ කරමින් දක්ෂ පන්දු යැවීමක නිරතවූ අජන්ත මෙන්ඩිස් ශ්‍රී ලංකාව ජය මාවතට අවතීර්ණ කිරීමට විශාල දායකත්වයක් ලබා දුන්නේය.
ලකුණු 09 කට කඩුළු 03 ක් බිඳහෙළු අජන්ත මෙන්ඩිස් මෙම තරගයේ වීරයා ලෙසින් නම් කෙරුණි.
අද තරගයේ මුලින්ම පන්දුවට පහර දුන් ශ්‍රී ලංකා කණ්ඩායම පන්දුවාර 20 අවසානයේදී ලකුණු 158 ක් ලබාගත් අතර ටී.එම්. ඩිල්ෂාන් ලකුණු 48 ක්, මහේල ජයවර්ධන නොදැවී ලකුණු 41 ක් හා කුමාර් සංගක්කාර ලකුණු 35 ක් ලබාගනිමින් ශ්‍රී ලංකා ඉනිම ශක්තිමත් කළේය.
පිළිතුරුව පන්දුවට පහරදුන් නවසීලන්ත කණ්ඩායම ලකුණු 110 කට දවාලීමට ශ්‍රී ලංකා ක්‍රීඩකයෝ සමත් වූහ.
ලංකාව වෙනුවන් ඉසුරු උදාන ලකුණු 17 කට කඩුළු 02 ක් දවා ගත්තේය.