පොසොන් නිමිත්තෙන් සිරකරුවන් රැසකට නිදහස

පොසොන් පොහොය නිමිත්තෙන් බන්ධනාගාර රැදවියන් 583 දෙනෙකු විශේෂ ජනාධිපති සමාව යටතේ නිදහස් කිරීමට පියවර ගන්නා බව බන්ධනාගාර දෙපාර්තමේන්තුව පැවසීය.
බන්ධනාගාර කොමසාරිස් ලක්ෂ්මන්ද සිල්වා මහතා සදහන් කලේ, එසේ නිදහස් කෙරෙන පිරිස, යුද,ගුවන් හා නාවික හමුදාවන්හි සිට දැනට බන්ධනාගාරගතව සිටින බවය.
ඔවුන්ගේ දඩුවම් කාලය අද දිනට හරි අඩක් අවසන්ව ඇති බව ලක්ෂ්මන් සිල්වා මහතා පෙන්වා දුන්නේය.
ඒ අනුව අනුරාධපුර බන්ධනාගාරයෙන් රැදවියන් අනූ දෙදෙනකු, වටරැක බන්ධනාගාරයෙන් හැත්තෑදෙනෙකු ,මීගමුව බන්ධනාගාරයෙන් 58 දෙනෙකු,මහර බන්ධනාගාරයෙන් 57දෙනෙකු හා බෝගම්බර බන්ධනාගාරයෙන් රැදවියන් 59 දෙනෙකු නිදහස ලබනු ඇත.