දෙමළ ඩයස්පෝරාව විසින් එකතු කරන ලද ආධාර රැුගෙන බලහත් කාරයෙන් ලංකාව බලා එමින් සිටි ‘කැප්ටන් අලී’ නමැති නෞකාවක් ශ්රී ලංකා මුහුදු සීමාවේදී අද (04) දහවල් නාවික හමුදාව විසින් සිය බාරයට ගෙන ඇත.
පුදුමාතලන් හි එල්ටීටීඊය දෙමළ සිවිල් වැසියන් රඳවාගෙන සිටි කාලයේ මෙම ආධාර ‘මර්සි මිෂන්’ නම් නෞකාවකින් මුලතිව් වෙරළට රැගෙන ඒමට උත්සාහ කළ ද පසුව එය වෙනස් විය. මර්සි මිෂන් නෞකාව ප්රංශයට ගොස් ප්රංශයේ සිට කැප්ටන් අලී නම් නෞකාවකට මෙම ආධාර මාරු කර ඇතැයි ද කැප්ටන් අලී නෞකාව පසුගිය මැයි 07 වනදා ප්රංශයෙන් පිටත්ව ලංකාව බලා ගමන් අරඹා ඇත. නිසි අවසරයකින් තොරව ශ්රී ලංකාව බලා එමින් සිටි මෙම කැප්ටන් අලී නෞකාව අද උදෑසන ශ්රී ලංකාවේ බටහිර වෙරළින් කිලෝමීටර් 160 ක් දුරදී ශ්රී ලංකා නාවික හමුදාව අත්අඩංගුවට ගෙන ඇති අතර මෙම නැවේ 15 දෙනකුගෙන් යුත් කාර්ය මණ්ඩලයක් සේවය කර ඇත. ඒ අතර පසුගිය සටන්විරාම නිරීක්ෂණ කමිටුවේ සාමාජිකයකුව සිටි අයිස්ලන්ත ජාතික ක්රිස්ජාන් ගෝමුන්සන් යන අයෙක් ද සිටින බව නාවික හමුදාව පවසයි. මෙම නැවේ ගෙනා භාණ්ඩ සම්බන්ධයෙන් නාවික හමුදාව පරීක්ෂණ පවත්වාගෙන යයි.
