යාපනය, වවුනියා නාම යෝජනා භාර ගැනීම 18 දා සිට

යාපනය මහ නගර සභාවේ හා වවුනියාව නගර සභාවේ ඡන්ද විමසීමට අදාළ නාම යෝජනා භාර ගැනීම මේ මස 18 වන දා ආරම්භ කිරීමට මැතිවරණ මහ ලේකම් කාර්යාලය තීරණය කර තිබේ.
නාම යෝජනා භාර ගැනීම මේ මස 25 වන දා දක්වා සිදු කෙරෙනු ඇත.

මැතිවරණ මහ ලේකම් කාර්යාලය සඳහන් කළේ, අදාළ පළාත් පාලන ආයතන සඳහා නාම යෝජනා භාර දීමට ස්වාධීන කණ්ඩායම් සඳහා ඇප මුදල් තැන්පත් කිරීම මේ මස 18 වන දා සිට 24 වන දා මධ්‍යහ්න 12.00 දක්වා සිදු කළ හැකි බවය.

යාපනය මහ නගර සභාවේ හා වවුනියාව නගර සභාවේ ඡන්ද විමසීම 2008 වසරේ ඡන්ද හිමි නාම‌ ලේඛනය අනුව සිදු කෙරෙනු ඇත.

මැතිවරණ මහ ලේකම් කාර්යාලය පැවසුවේ, වවුනියාව හා යාපනය දිස්ත්‍රික් ලේකම් කාර්යාලවලදී නාම යෝජනා භාර ගන්නා බවය.