මොරටුවේදී ලක්ෂ 16 ක් මංකොල්ල කයි

බැංකුවක මුදල් තැන්පත් කිරීමට පැමිණි ව්‍යාපාරිකයෙකුගේ මුදල් බෑගය කොල්ලකරුවන් විසින් අද උදෑසන මොරටුව, රාවතාවත්තේදී පැහැරගෙන තිබෙන බව, පොලීසිය කියයි.
පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරී රංජිත් ගුණසේකර මහතා පැවසුවේ කොල්ලකරුවන් පැහැරගෙන තිබෙන මුදල් ප්‍රමාණය ලක්ෂ 16 ක් පමණ වන බවයි.
කොල්ලකරුවන් කළ වෙඩිතැබීමෙන් ව්‍යාපාරිකයාගේ රියදුරා මියගොස් තිබෙන බවත් කොල්ලකරුවන් දෙදෙනා යතුරු පැදියකින් පලාගිය බවට තොරතුරු ලැබී ඇති බවත් රංජිත් ගුණසේකර මහතා කීය.