යාපන හටනත් අගෝස්තු 08 දා

ඌව පළාත් සභා මැතිවරණය පැවැත්වෙන ලබන අගෝස්ත්තු 08 වනදාම වවුනියාව හා යාපනය පළාත් පාලන මැතිවරණය පැවැත්වෙන බව, මැතිවරණ මහ ලේකම් කාර්යාලය පවසයි.මේ අනුව, යාපනය මහ නගර සභා සහ වවුනියාව නගර සභා මැතිවරණය අගෝස්තු 08 වනදා පැවැත්වෙන අතර ඒ සඳහා නාම යෝජනා භාරදීම අද දහවල් 12.00 ට අවසන් වූ බව මැතිවරණ කාර්යාලය පවසයි.යාපනය මහ නගර සභාව සඳහා දේශපාලන පක්ෂ 08 ක් සහ ස්වාධීන කණ්ඩායම් 03 ක්ද වවුනියාව නගර සභාව සඳහා දේශපාලන පක්ෂ 07 ක් සහ ස්වාධීන කණ්ඩායම් 03 ක්ද නාම යෝජනා භාරදුන් බව මැතිවරණ කාර්යාලය පවසයි. නියෝජිතයන් 15 දෙනෙකු තෝරා පත් කර ගැනීමට නියමිත වවුනියාව නගර සභාව සඳහා ඡන්ද දායකයන් 24,626 ක් ද නියෝජිතයන් 29 දෙනෙකු තෝරා පත් කර ගැනෙන යාපනය මහ නගර සභාවේ ඡන්ද දායකයන් 1,00,417 ක්ද සිටී. ඌව පළාත් සභා මැතිවරණයේ නාම යෝජනා භාරදීම ඊයේ (24) මධ්‍යහ්න12.00 ට අවසන් වූ අතර ඒ සඳහා පක්ෂ 14 ක් හා ස්වාධීන කණ්ඩායම් 07 ක් තරග වැදීමට නාම යෝජනා භාර දී තිබූ බව මැතිවරණ ලේකම් කාර්යාලය සඳහන් කරයි.පසුගිය 17 වනදා මෙම නාමයෝජනා භාර ගැනීම ආරම්භ වුණි. 875,456 දෙනෙකු මෙම පළාතේ ඡන්ද දායකයින් සිටින අතර බදුල්ල දිස්ත්‍රික්කයේ 574,814 දෙනෙකු සහ මොණරාගල දිස්ත්‍රික්කයේ 300,642 දෙනෙකු මෙම මැතිවරණය සඳහා ඡන්දය පාවිච්චි කිරීම සඳහා සුදුසුකම් ලබා සිටින බව දෙපාර්තමේන්තුව සඳහන් කරයි. මෙම පළාතෙන් නියෝජිතයින් 32 ක් තෝරා පත් කර ගැනීම සඳහා මෙම මැතිවරණය පැවැත්වේ. බදුල්ල දිස්ත්‍රික්කයේ නියෝජිතයින් 21 ක් සහ මොණරාගල දිස්ත්‍රික්කයේ නියෝජිතයින් 11 ක් වශයෙන් මෙම නියෝජිතයින් සංඛ්‍යාව බෙදී යයි.