භට පිරිස් වෙරළ තීරුව දිගේ ඉදිරියට, දහසකට අධික ප්‍රාණ ඇපකරුවන් පිරිසක් බේරාගනී

53 හා 58 වන සේනාංක ත්‍රස්තවාදී ප්‍රහාර මධ්‍යයේ සිවිල් ආරක්ෂක කලාපය දෙසට ඇදෙමින් සිටින අතර, වෙල්ලමුල්ලිවයික්කාල් ප්‍රදේශයෙන් 1000 කට වඩා වැඩි ප්‍රාණ ඇපකරුවන් පිරිසක් බේරාගැනීමට සමත් ඇති බව ආරක්ෂක වාර්තා සඳහන් කරයි.දකුණු දිග පෙදෙසේ සිටින 59 වන සේනාංකය වෙත අද දින (මැයි 14) 1000 කට වඩා වැඩි සාමාන්‍ය වැසියන් ප්‍රමාණයක් පැමිණ ඇති බැව් වාර්තා සඳහන් කරයි.මේ අතර, 200 – 250 ක් පමණ පිරිසක් 58 වන සේනංකය හා 53 වන සේනංකය දෙසට රැකවරණ පතා පැමිණ ඇත.11වන පාබල රෙජිමේන්තුවේ භට පිරිස් ගිණිකොන වෙරළ බඩ දෙසින් තවදුරටත් මෙහෙයුමි සිදුකරමින් ඉදිරියට ඇදෙන අතර, අත්හැරදමා තිබෙන පාරා III නැවට අසන්නයට පැමිණ ඇති බැව් යුද බිමෙන් ලැබෙන වාර්තා සඳහන් කරයි.