ඉන්දියාවට එරෙහිව ලංකා භූමිය භාවිතයට ඉඩ නොදෙමි - ජනපති

ඉන්දියාවට එරෙහිව කිසිවෙකුටත් ශ්‍රී ලංකා භුමිය භාවිත කිරීමට ඉඩ නොදෙන බව ජනාධිපති මහින්ද රාජපක්ෂ මහතා අවධාරණය කරයි.
ජනාධිපතිවරයා මේ බව පැවසුවේ, ඉන්දීය එන්.ඩී.ටී.වී. රූපවාහිනී නාලිකාව සමග සාකච්ඡාවකට එක්වෙමිනි.
තවදුරටත් මෙරට සුළු ජාතියක් නොමැති බව තමා ප්‍රකාශ කර ඇති බව ජනාධිපතිවරයා මෙහිදී ප්‍රකාශ කළේය.
දැන් සිටින්නේ, රටට ආදරය කරන පිරිස සහ රටට ආදරය නොකරන පිරිස යනුවෙන් පිරිස් දෙකක් පමණක් බව ජනාධිපති මහින්ද රාජපක්ෂ මහතා සඳහන් කළේය.
එල්.ටී.ටී.ඊ.යට එරෙහි අවසන් යුද්ධයේදී ඉන්දීය බලපෑමක් තිබුණේ දැයි මෙම සාකච්ඡාවේදී ජනාධිපතිවරයාගෙන් විමසනු ලැබීය.
ජනාධිපති මහින්ද රාජපක්ෂ මහතා එහිදී පැවසුවේ, ඉන්දියාව කිසිදු බලපෑමක් කළ බව තමා නොසිතන බවය.