දෙමළ ජනතාව මුදාගැනීමට නම් ප්‍රහාර නොනැවැත්විය යුතු බව පලා ආ ඉංග්‍රීසි ගුරුවරියක් පවසයි

දෙමළ ජනතාව මුදා ගැනීමට නම් එල්ටීටීඊයට එරෙහි ප්‍රහාර දිගින් දිගට ම ක්‍රියාත්මක කළ යුතු බව අද (14) 53වන සේනාංකය වෙත ත්‍රස්තවාදීන්ගෙන් මිදී පැමිණි ප්‍රාණඇපකරුවන් අතර සිටි ඉංග්‍රීසි පාසල් ගුරුවරියක පැවසුවාය.
කිලිනොච්චියේ උදයාරන්කට්ටු විද්‍යාලයේ ගුරුවරියක වූ ඇය වැඩිදුරටත් පවසා සිටියේ එල්ටීටීඊය මුළුමනින් ම විනාශ නොකර රටට සාමය උදා කළ නො හැකි බවයි. එහි සිර වී සිටින දෙමළ ජනතාව මුදාගැනීමට හමුදාව එල්ටීටීඊයට එරෙහි ප්‍රහාර තවත් වැඩි කළ යුතුයැයි ඇය පැවසුවාය.දෙමළ දරුවන් යුධවාදී කටයුතුවලට යොදා ගනිමින් ඔවුන්ගේ පාසල් අධ්‍යාපනය විනාශ කොට ඒ දරුවන්ගේ අනාගත සුබසිද්ධිය සම්පූර්ණයෙන් ම විනාශ කළේ එල්ටීටීඊය බව ද ඇය අවධාරණය කළා ය.අද 53වන සේනාංකයේ ඊටපිරිස් සාමාන්‍ය වැසියන් 352 දෙනෙකු මුදා ගැනීමට සමත් වී ඇත. කරෙයිමුල්ලිවෛක්කාල් බටහිර ප්‍රදේශයේ මෙහෙයුම්හි නිරත 53වන සේනාංකයේ 6වන ගජබා රෙජිමේන්තුවේ සහ 5වන විජයබා පාබල බලඇණියේ සෙබළුන් විශාල අවිආයුධ ප්‍රමාණයක් අත්පත් කර ගෙන තිබේ.ටී56 අවි 42ක්, ආර්පීජී විදිනයක්, මිමි 60 මෝටාර් විදිනයක්,විශාල ප්‍රමාණයේ ක්ලේමෝ බෝම්බ 3ක්, මරාගෙන මැරෙන ඇඳුම් කට්ට්ලයක්, එම්පීඑම්ජී අවි 2ක් සහ එෆ්එම්සී අවි 2ක් ඒ අතර තිබුණි.