යුද හමුදාව සාමාන්‍ය දමිළ ජනතාව බේරා ගැනීමේ මෙහෙයුම් ඉදිරියටම

58 සේනාංකය යටතේ සිටින ගුවන් සංග‍්‍රාමික භට පිරිස් ඊයේ (09) යුද මුක්ත කලාපයේ ඉදිරියට යමින් නරෙයිමුල්ලවයික්කාල් ප‍්‍රදේශයේ ත‍්‍රස්තවාදීන් සතු ව තිබූ ප‍්‍රබල ස්ථාන කීපයක් අත්පත් කර ගත් බව ආරක්ෂක අමාත්‍යාංශය පවසයි.

6 වන ගජබා රෙජිමේන්තුව, 5 වන විජයබාහු පාබල රෙජිමේන්තුව, 1 වන පාබල රෙජිමේන්තුවේ සහ 17 වන ගැමුණු හේවා බලඇණියේ භට පිරිස් ත‍්‍රස්තවාදි ආරක්ෂක වළල්ල බිඳ දමමින් මෙසේ ඉදිරියටම ගොස් ඇත.

එම ප‍්‍රදේශය පුරා බිම්බෝම්බ අතුරා තිබී ඇති අතර එල්ටීටීඊ පණිවිඩ හුවමාරුවලින් හෙළි වී ඇත්තේ ත‍්‍රස්තවාදින් විශාල සංඛ්‍යාවක් මියගොස් තවත් විශාල ගණනකට තුවාල සිදු වී ඇති බවද වාර්තා වෙයි.