විශේෂ කාර්ය බලකා ප්‍රහාරයෙන් කොටි 4 ක් මරුට - පොතුවිල්

සිවිල් ජනතාව වෙතින් ලද තොරතුරක් මත ඊයේ (මැයි 2) දින සවස 4.30 ට පමණ පොලිස් විශේෂ කාර්ය බලකාය විසින් පොතුවිල් කොමාරිහිදි සිදු කරන ලද මෙහෙයුමකදී එල්.ටී.ටී.ඊ. ත්‍රස්තවාදීන් 4 දෙනෙකු මරාදමා ඇත.
ටී - 56 ගිනි අවි 4 ක්, මයික්‍රො වර්ගයේ පිස්තොල 1 ක්, පතොරොම් අටක් සමග පිස්තොල මැගසින 1 ක්, ටී - 56 මැගසින් 8 ක්, එම් 16 පතොරොම් 44 ක්, ටී-56 පතොරොමි 205 ක්, අත්බොමිබ 3 ක්, අයිකොම් වර්ගයේ පණිවිඩ හුවමාරු යන්ත්‍රයක්, ඇන්ටෙනා 2ක්, කුඩා විදුලි පන්දම් බැටරි 21 ක්, පිහියක්, ඩෝග් ටෑග් 2 ක්, බෙල්ට් 1 ක් හා ආහාර ද්‍රව්‍ය කිහිපයක් ප්‍රදේශයේ සිදු කරන ලද සෝදීසි මෙහෙයුමකදී භට පිරිස් විසින් පසුව අනාවරණය කර ගනු ලැබිණි.
ලැබී ඇති තොරතුරු අනුව පසුගිය වකවානු‍ව තුලදී බුත්තල හා මොණරාගල යන ප්‍රදේශයන්හී එල්.ටී.ටී.ඊ. ත්‍රස්තවාදීන් විසින් සිදු කරන ලද විනාශකාරී ක්‍රියා මෙම ත්‍රස්ත කණ්ඩායමේ සාමාජිකයන් විසින් සිදු කර ඇති බව වාර්තා වේ.