පසුගිය යුද මෙහෙයුම් වලදී කොටි ත්රස්තවාදීන් 22,000ක් ආරක්ෂක අංශ අතින් මියගිය බව යුද හමුදාපති ජෙනරාල් සරත් ෆොන්සේකා මහතා පැවසීය. යුදහමුදාපතිවරයා මේ බව පැවසූවේ ස්වාධීන රූපවාහිනී සේවයේ ඊයේ(25) රාත්රියේ පැවැති “තුලාව” සංවාදයට එක්වෙමිනි.ත්රස්තවාදය පරාජය කරමින් නැවතත් ඒකීය ශ්රී ලංකාවක් බිහි කිරීමේ විජයග්රහණය ලබා ගැනීම සඳහා විශාල කැපකිරීමක් සිදු කරන්නට වූ බවද හෙතෙම කීය. එහිදී ත්රස්තවාදයට එරෙහි සටන්වලදී හමුදා භටයෝ 27,000ක් තුවාල වූ බවත් ඒ අතරින් 5,000ක් පූර්ණ ආබාධිත තත්ත්වය පත්වුණු බවද හමුදාපතිවරයා සඳහන් කළේය. කොටි ත්රස්තවාදීන් 9,000ක් මෙහෙයුම් පවතින සමයේ දී ආරක්ෂ අංශ වෙත භාර වී ඇති අතර තවත් 200කට ආසන්න ත්රස්තවාදීන් පිරිසක් සාමාන්ය වැසියන් රඳවා සිටින කඳවුරු භූමිවල සිටියදී අත්අඩංගුවටත් ගෙන තිබේ.
