‘උතුරු වසන්තය’ රජයේ සංවර්ධන ක්රියාදාමයේ ආරම්භක පියවර වශයෙන් දින 180ක වැඩසටහනක් ක්රියාත්මක කරන බව ජනාධිපති ජ්යෙෂ්ඨ උපදේශක පාර්ලිමේන්තු මන්ත්රී බැසිල් රාජපක්ෂ මහතා අද (21) පැවසීය.රාජපක්ෂ මහතා මේ බව පැවසූවේ අද ජනාධිපති ලේකම් කාර්යාලයේ පැවති උතුරු පළාත් නැවත පදිංචි කිරීම්, සංවර්ධනය සහ ආරක්ෂාව සැලසීම සඳහා ඉදිරි පියවර ගැනීමට ජනාධිපති තුමා පත්කර ඇති විශේෂ කාර්ය සාධක බලකාය රැස් වූ අවස්ථාවේදී ය.
මේ පිළිබද සාකච්ඡා කිරීම සඳහා විශේෂ සාකච්ඡා වාර දෙකක් පැවැත්විණි. පළමු වාරයේදී උතුරු පළාතේ යටිතල පහසුකම් සංවර්ධනය කිරීම සහ ජීවනෝපාය කටයුතු පිළිබඳ ව අදාල අමාත්යාංශවල ලේකම්වරුන් දැනුවත් කිරීම සිදු වූ අතර දෙවන වාරයට සෞඛ්ය, අධ්යාපන, රාජ්ය පරිපාලන සහ කම්කරු වැනි අමාත්යාංශවල ලේකම්වරු සහභාගි වූහ.
